الخيانه..... لشاعر نائل مظفر

الخائنة

جنتي نسمة وجنتي ضحكة
وجنتي وردة ياسمين
وجنتي نغمة
بشفة القيثارة تضحك للسنين
وجنتي ثوب
إنشر على حبال الدروب ولثكّـّتة العابرين
ليش؟؟؟؟
مو جنتي حمامة رحتي وين إترفرفين
خلصت سطوح المحلة وبالمغارة اتعششين
يا مها الغابة إشكبرهه
إشوصلج يم العرين
عينج إبكد القيامة شبيج ماشفتي الكمين؟؟؟
جنتي ويــ؟ــ؟ــ؟ـن وهسة وين
جنتي مسجد بيج اصلي صرتي حانة مفلسين
باكوا ألأكبر بذانج
بعد بيش إتكبرين
جنتي قلعة وطاح بابج
ليش ما تتهدمين
إنكسر عثكَج ينخلة وانه أتاني إترطبين
بفيج إشكعدني أني لايتهموني ابكسرتج
حتى فيج مو أمين
ولا تجين..لاتجين
جنت اكل للناس عذرى
شراح أكلهم من تجين
لنتي مريم
حتى بالقرآن أكولن تنقرين
ولا بعيسى تبشرين
جابعد إلمن تجين
لا.لا.لا تجين