لى أمي العزيزة

الى أمي مع جل الاحترام , كاظم جودي الغريري

السلام عليكم ورحمة الله وبركاته

قصيده للشاعر :: كاظم جودي الغريري ::

بعنــوان :: الى أمي مع جل الاحترام ::

:*********-Fasel:

امي شفافه مثل ماي الفرات

وامي غيرتها مثل شط العرب

أمي لو خطار اجاهه بيوم عوز

يفزع التنور ويجيب الحطب

امي فوطتها حزن تشبه الليل

وعدها چلاب الشبه يسوه الذهب

أمي عدهه الدنيه بس صوم وصلاه

اتسبگ لرمضان من هلت رجب

وأمي مليانه وفه ورقه وحنين

ومثل طيب امي بعد ما ينوجد

امي صوت العافيه المامنه صوت

ومو دمع بعيونها الينـزل ورد

أمي لوسائل يدگ الباب يوم

تذكر ايام الحصار وتنمرد

حتى جبرائيل ينـزل بلصـلاه

يسمع أمي اشلون من تقره الحمد

أمي تقره الفاتحه لام البنين

وتقره حتى ام البنين وياها

أمي تمشي اعله الصراط المستقيم

وبالحلم يوميه تمشي الگاها

امي وصتني گبل من مات ابوي

الغيره عندك يمــه لا تنساها