الله ياعباس

موضوع: الله ياعباس السبت ديسمبر 04, 2010 3:07 am

اللهم صلي على محمد وال محمد وعجل فرجهم الشريف ياكريم ...

الله ياعباس

الله ياعباس انت اشكد عظيم
وابدماخابت الحره الجابتك
يل صفاتك من امير المؤمنين
وجني أحجي ابعلي من احجي بسيرتك
يابوفاضل بيش ومنين ابتديك
وانت أعظم وكفه بالطف وكفتك
من العطش اطفالك اتصيح وتلوع
اشلون تصبر وانت سكنه اتنختك
استأذنيت حسين ناوي اعله القتال
تريد تطلب ثارك بدم اخوتك
ومن كصدت اعله النهر ذيج الألوف
اختلت وماجت صفوف الشافتك
انت مثل الشارد اليرجو النجاة
حين تجبل على اعداك بهجمتك
لأن وجهك ياقمر هاشم جميل
وجانت اجمل صوره بالطف صورتك
اربعة آلآف تعداد الصفوف
وابد ماهمتك كثره وراعتك
فرقتهم مندخلت اعله الفرات
والفرات اتمنه يلثم شفتك
واغترفت من النهر بجفوف اديك
وجانت من ضماك تسعر جبدتك
أتذكرت سبط الرسول الظل وراك
وا نخبط ماي الفرات بدمعتك
بس مليت الجود ياليث الطفوف
وردت ترجع للخيام بهمتك
حاوطوك وكطعوأعليك الطريق
طشرتهم لأن تشطر ضربتك
وبالغدر والحيله مابين النخيل
تمكنو ياحيد كطعويمنتك
قاتلت باليسره من طاح اليمين
وبالغدروالحيله كطعويسرتك
واعتنت مثل المطر ليك السهام
اشكد كصت بيك السهلم الصابتك
والعمود الصابك ابهامك يحيد
صدك ياعباس هشم هامتك
وحين كثرة بيك عباس الجراح
ونزل بيك الموت حانت ساعتك
ياحسين ادركني هذا آخر وداع
وانكسرظهر الحسين ابصيحتك
منهومثلك ياقمرهاشم عظيم
وراح ابينهه وأوضح قصتك
جفوفك مكطعه طاحت عالرمال
لجن ماطاحت يضيغم رايتك
اليكع اعله الكاع تتلكاهه اديه
وانت كلي اشلون جانت طيحتك
مدري فوك الكاع طحت انت صريع
مدري هيه الكاع كامت حضنتك

للشاعر كاظم خظير الوائلي الواسطي

يسلمووووووووووووو

» قصة ولادة رسول الله محمد صلى الله عليه واله وسلم
» قصة وفاة رسول الله محمد صلى الله عليه واله وسلم
» صور لِـ بيت خسف الله فيه
» مهـــاجر إليــك
» أرض المرايا...سبحان الله