ومضـــات جميله جدا ادخلوا

ومضـــــــــــــــــات 
¤¤¤¤¤¤¤¤¤¤¤¤
الجمال البيك دايخ هو بيك
ويمكن ايدك تخدر من اتكظ اديك
انته ربك خالقك فد شكل خاص
يمكن امسويك اله يباوع عليك
¤ ¤ ¤ ¤ ¤¤ ¤ ¤ ¤ ¤
عندك نور يشبه نور الهلال
يعني انته كمر وهلال تنقاس
اصعد فوك بيتك باچر وشوف
اذا موعگب باچر تفطر الناس
¤ ¤ ¤ ¤ ¤¤ ¤ ¤ ¤ ¤
على ياأيد تغفه اليله وتنام
واشيم بيك حتى اجفوف اديه
البخت جابك نطرتك ذيج السنين
وعيشتك طفل وانته الهديه
واذا ماصح غطه وتتعذر الايد
اصير افراش واتمدد عليه
¤ ¤ ¤ ¤ ¤¤ ¤ ¤ ¤ ¤
بالطيف وماادري بروحي
بسچينه وخيطت اجروحي
جيت اذبح محبوبي بلهفه
فزيت ولن ذابح روحي
¤ ¤ ¤ ¤ ¤¤ ¤ ¤ ¤ ¤
شيعنه المدن احلام مذبوحات
الكواكب والشمس نزلن وشالنهه
اذا مات البشر يندفن تحت الگاع
واذا ماتت الگاع شلون ندفنهه
¤ ¤ ¤ ¤ ¤¤ ¤ ¤ ¤ ¤
لا تطالبني بأمر بيه معجزات
لان ماعندي كلب يتعذرك
تريد مني اذكرك شي مستحيل
غير كون انساك حتى اذكرك
¤ ¤ ¤ ¤ ¤¤ ¤ ¤ ¤ ¤
اكص الساني خاطر ماأحاجيك
وخاطر ينتهي البينك وبيني
لكيت ابواب عيني اتسولف وياك
يعني اشلون اكص السان عيني
¤ ¤ ¤ ¤ ¤¤ ¤ ¤ ¤ ¤
تالي الليل اكلهم باجر انساك
افز من غبشه الله واحجي بس بيك
ابغيرك فكرت كلت بلكي انساك
طلع غيرك يشبهك فكرت بيك
¤ ¤ ¤ ¤ ¤¤ ¤ ¤ ¤ ¤
كلش دخت بيك أمنين مخلوق
اذا من طين اشكن كلش بهاي
كلها ابماي تنظف تسبح الناس
ومن يلوح جسمك ينظف الماي
¤ ¤ ¤ ¤ ¤¤ ¤ ¤ ¤ ¤
فدوا اتوسلك لاتزعل اترجاك
ولو ادري بزعلتك انه راح انذل
خل انذل اولي يطبني ميه طوب
بس هيج بحلاتك كفر من يزعل
¤ ¤ ¤ ¤ ¤¤ ¤ ¤ ¤ ¤
ياانا واحبك يلي بيه تعيش
ويلي بروح وحده انشم هوانا
مرات اناتيهك واختف مرات
واتيه بينك انته وبيني انا
¤ ¤ ¤ ¤ ¤¤ ¤ ¤ ¤ ¤
ادري من الحلاة تشرك لهات الناس
واليشرك يصيح الماي لحگوني
وانه اشلون بيه من الحلاة البيك
ماتشرك لهاتي الشرگه بعيوني
¤ ¤ ¤ ¤ ¤¤ ¤ ¤ ¤ ¤
انته ماخذ راحتك واعليك الوع
ابجي وحدي وماتجي تواسيني
وانه من عيني اطلعت ويه الدموع
وانته مهتزيت باقي بعيني
¤ ¤ ¤ ¤ ¤¤ ¤ ¤ ¤ ¤
دنياتك صبح مابيه لون الليل
عايش بلضلام وليلك اعيونك
ماعندك حلك عندك ورد ينباس
ليلو مسطرات اسطر اسنونك
تفوز انته الملك من تدخل استفتاء
واحلى اهل الارض لازم يخلونك
مالازم هلك ينطونك الانسان
بس ليوسف المفروض ينطونك
¤ ¤ ¤ ¤ ¤¤ ¤ ¤ ¤ ¤
لوتعرف اسباب وني وليش انوح
جاصرت عبره وتجي اتبجيني
انته ماعندك جرح تبجي عليه
منيلك انته حسين مثل احسيني
¤ ¤ ¤ ¤ ¤¤ ¤ ¤ ؟؟؟؟؟! ؟؟؟؟؟!
وأنته يمي أحسنك بعيد؟؟
شلون لوتبعد أبطل نوحي@*
أحنه روحين بجسد واحدنعيش.
يعني من أتروح تسلب روحي
_____/_____/
مره أستغربت ماهو الفكر وياي 
كلت والله عجيبه الفكر متخفي_
طلعت آنه بحلم فزيت نص الليل
متلفلف لكيته ونايم بصفي
_/_/_/_/
شاورت الحزن لويبتعد بس يوم
وترجيته وي غيري يبدل النيه_
رفض شفت الحزن يبتعد مرات 
لأن شفت الحزن متعود عليه
_@_@_@_@_@
خط حياتي وياك عاكس لأتجاه
يعني هسه أنته بدرب وآنه بدرب_
تريد مني انساك سابع مستحيل
إلا أذا ينشال على اليمنه
الگلب_
:_:_:_:_:_ _:_:_:_:_:
أبحر الشوك أشوف الوادم أتفوج
وأنه أعله الجرف بس أنه غركان_
تشرب بالخمرمن تسكر الناس
وآنه بلا خمروياك سكران_