سالوني اعله حبك

سالوني اعله حبك

سألوني اعله حبك

كلت ما احبك

ولا دخت بدلالك

من اشتعل جدك

ولا الله ابتلاني

من همت بيك

ولا حته الكَمر

خجلان من خدك

ولا انته الطبيب

يشافي كل اعضاي

ولا انه العليل

ودواي من عدك

ولا عينك بحر

متحمله سبع أبحور

ولا حته القوافي

لاذت بسدك

ولا انته الكَمر

ومدوخ النجمات

دوخت العقول

وتاهت بصدك

سألوني عن وصفك

كلت شنهو ألبيك ..

خجلت الوصف

والورقة ما تعدك ..

لا انته اللذيذ

وأطيب من الطيب

ولا أكل شهد

مسيول من زندك

ولا صوتك وتر

واحتار بيه العود

لا ناي اليعزفه ..

لا لحن ردك ..

ياهو اليشوفك

يختلف عنده الرأي

لو قسيس شافك

اسلم عله يدك

سألوني اعله حبك

كلت ما احبك

ولا دخت بدلالك

من اشتعل جدك