اركض مااطيح

موضوع: اركض مااطيح الخميس أغسطس 11, 2011 4:54 am

اركض مااطيح

اركض مااطيح وبيه اشمت الكاع
وماانه اليظل ياهواليجي ايفوته
اركض بالعكس لوبيه دارالكون
اصيرانه اليهدوالناس مشحوته
واكول الموت عزوعيشة الاحرار
موشغلة اماني وكلمه مكبوته
وهنيالي من اموت واخلص من الموت
وشيلن انه انه واركض بتابوته
وصيرن خوف اخوف وانه عايش موت
واشحده اليجيني اهجم بيوته
ميتين المكابر ماتشيل سيوف
بس جيب اليطب بليل للموته
دخليني اعلى حالي وارضه اصيرن ليل
ومنويدري شيضم اليل بسكوته
مرات البشربعيونه حجيه ايصير
وموكل السوالف واضحه بصوته
التماثيل بطبعه الخرس والصفنات
وتحجي اشكد معاني وهي منحوته
وابنادم جذب وبحلكه ميت السان
باصدك الجذب والناس مبخوته
ايكلك علكمر طاح وخذاه الحوت
ولاهوالنزل ولا صعدت الحوته