علي سعود
المدير العام للمنتدى
الجنس : 
الابراج : 
عدد المساهمات : 1570
نقاط : 30719
تاريخ الميلاد : 19/04/1984
تاريخ التسجيل : 15/11/2010
العمر : 40
 الموقع : في القلب
 العمل/الترفيه : خريج كلية الادارة والاقتصاد
 |  موضوع: احدث الابوذيات العراقية  السبت سبتمبر 03, 2011 2:41 am | |
|
احدث الابوذيات العراقية
السلام عليكم شلونكم حبايب اليوم جايبلكم احدث الابوذيات العراقية من مشرق الرسام
روحي اشتاقت لشخصك وحنيت
ولويت ضلوعي بفراكك وحنيت
وحقك جاجبت حنه وحنيت
عتبة داري لو مريت بيه
يمن ليك الكلب يخفك ولاجن
وشوغاتك كلن عمري ولاجن
صدك تنساني يمعود ولاجن؟
هذاك انته الجنت تغفه على اديه
على مودك عفت ربعي وناسي
واسد بحلوك شماتي وناسي
اذا عني غفل كلبك وناسي
انه بطرواك لسه وتدري بيه
يحن كلبي على حبك من احبك
واخذ زهوة شبابي مني حبك
انشدك ياهو الاكثر مني حبك
حته بهالسهوله تخون بيه
ثلاثة .. و أربعة .. و ثنين .. تسعة
ويا نارك في ضمير حشاي تسعى
سنة ألف و تسعمية ... أو تسعة
بربيـع أوّل شهرهـم .. هـل عليّه
حلو دمّك يلالـي إبروس وجناك
وربح بيت الذي ربّــاك وجناك
لون عندي بس ... ملك وجناك
أريدك حرز ... و تدفع كل بليّة
تهزهز يا اللحد وإنفض ترابيك
عزيز الروح النـــايم ترابيك
لقاني العـيـد وعيوني ترابيك
تهون إنته وأنا النـيــران بيّه
هلا بريح الشمـال الجاي من طر
عزيـز إنته .. و عليك القلب منطر
شفت خده وحسبت الفـجـر منطر
قمت صليّت ...من غـصـبن عليّه
قلت خوخ البصدره .. و قال لا جوز
قلت مفرد يــا لاهي و قال لا جوز
قلت تقبل ابوسك ... وقال لا جوز
تجد لذّة و يصيبك .... طـمـع بيّه
راح ال كـان لي بدنيـاي ونسه
و جاني الما أعرف طبعه و ينسه
عقب تب الدهــر .. كله وينسه
يقل لي ما فهمت شنهي القضيّة
أون شبه اليون صدره والعظام
عجب تاهت دلاّلي والعظــام
أشد ماهو علي يسكر والعظام
يا واهي العقل.. من تقبل عليّه
شعلامك تحمس بروحي .. علي مر
أهيم و صار... مشروبي علي مر
يوم أنسـاك ... مظعونك علي مر
غدت شمس الضحى.. ظلمه عليّه
وجدحاي نار بخشب عوسج وجدحاي
الوجــدني ميّت ... لا يغلط وجد حي
لون أبقى طرق ثوبي و جدحــــاي
هذاك أنـا .... و نخوتي ذيك ... هيّه
نحلحيلي وسكن بالراس شي بان
إكتمت سري ولا للناس .. شي بان
لليــالي عقب هالحال ... شي بان
يصير هناك .... عددهـم.. فلك بيّه | |
|
