قــــــــــصيدة التخرج

قــــــــــصيدة التخرج

كلما يبدي عام جروح بيناتطيب
ويلتم على بعضه الخاطر المكسور

وحفلات التعارف تلم شمل الناس
من نقيم حفله تشاركنا الطيور

بياض كلوبنا تحول على القمصان
ومن تطلع شمس من عدنا تاخذ نور

بالقاعات عشنا ورود ملتمين
مشيولة الحواجز ماكو شي محظور

ومن يغيب واحد نختنك ونضوج
تبجي عيونا وبينا الانفاس تفور

نكل لارواحنا اخو ما مزعل فلان
اله ثلمه بكلبنا وجن حفر محفور

وعلى فطرتنا جنة نبوس المقاعد
جن ندري نتفارك والايام تدور

وتضل الأماكن تبجي على الطلاب
ذبلانة الحدايق والقسم مهجور

وين احبابنه العاشو ويانة سنين
اتعجل المخرج حتى ينهي الدور

ماجان الحساب نفارك اجمل ناس
ونعوف الدفاتر فارغات سطور

وحفلات التخرج بيه كت دموع
دمعه بيدي شفته تحول الطبشور

وشكل لصاحبي على الخير الله وياك
وانا بخدي حافر للدموع بحور

اساتذتي اصدقائي والقلم والاوراق
الممرات الحدايق كل شبر مذكور

أمنا الجامعه طيبه وحضنها جبير
وبايدك تحط لمن تجي تزور

علاقتنه ذهب مو كل علاقه تدوم
علاقه اهل ريف بخبزة التنور

علمتنا الوفاء بكل درب نمشيه
وجمعتنا اصدقاء بغير صحبه نزور

اشلون نعوفهة وليا مكان نروح
بس هي الحياه وباقي الارض كله كبور

ماردنا التخرج خلي نضل عمال
بس المهم نبقى ما نرد للدور

يسلمووووووووووووووووو
عاشت الايادي