سمعني كلمه عشك..

سمعني كلمه عشك خل روحي بيهه تــذوب

بالجذب لو بالصدك شلتك اسم محبوب

ماتوب من عشرتك صدكني ولك ماتوب

انت شمس دنيتي مااريد اشوف غروب

منثور شعرك سرح فوك المتن مذبوب

يالرمش عينك سهم بي كل كلب مصيوب

ضحكتك كلمه ونضم واجمل شعرمكتوب

لابس ترا هو الورد من لون شوفتك ثوب

سبحانه من صورك بيك الحسن مصيوب

كالولي رايد تصد وتبتعد عني دروب

ارجعلي فدوه الك بس لاتصد فدنوب

اسباب قتلي الهجر شللك تشيل ذنوب

يالبيك يزهي العمر وتدري العمرمحسوب

صبرني من تبتعد تدريني مو ايوب