اشبيك من اصفن عليك

لاتكلــــــي شبيك من اصفن عليك
وسرك بكلبــــــــــــي اليحـــــبك دافنـه
عاصفه الدنيا ومطر مجنونه بيك
ومـــــــن ضحكت الدنيا ظلت صافنـه
بين عيـــن وعيــــــن احطك لو اجيت
يالله كلي شلــــــــــــــــون روحي تعــوفك
خاف وحده تشوف غيــرك تشتهـــيه
حتى الاخرة من تصدلـــــــــــــــــه تشوفك
انه خايف ماتجي وعيني عليــــــــــك
ومني كتلك ماكو داعـــي لخــــــــــــــــوفك
السفينه التبحـــــر بمايــــــــك تعيش
خاف تغرك عينها اعلى جــــــــــــروفــــك
بين خدك والحلك ظل مشتهــــــــاي
وانه خطارك بعد ؟؟ معروفــــــــــــــــــــك
المضيف اعلى البخت مبني ويطوف
وانت راعي البخت كام يطــوفـــــــــــــك
ياخلك فنجان من كد مستحــــــــــاك
ظلت عيون الدلال اتحــــــــوفــــــــــــــك
وانت طولك سفرة امعزب واخاف
تنفتح يمك شهيـــة ضيـــــــــــــــــــــوفك
جاهلي من اعشك واحب بس بجنون
وعشكي خارج قوس عـــــــــــن مألوفك
اكتب اسمك واقره بس بدون صــوت
اعلى الشفايف غافيات حــروفــــــــــــــك
وانه صار اسنين ماضايك حـــــــــلاه
والله يعــــــــــــــــــــلم ياحـــــلاه بجفوفك
تدري بطيوفك على عيوني من اجيت
اعيوني خر اسبالهه اعله طيـــــــــــوفك