فات الأوان / يا يمّـه

وهذه هي الكلمات :
فات الأوان / يا يمّـه

يا يمّـه .. منتهـي جيتـك وطالـب منـك الغفـران
أقبّـل قـاعـة أقـدامـك .. واغسّلـهـا بدمعـاتـي
يا يمّه .. كـل مـا فينـي ينـاديلـك أنـا ندمـان
طلبتـك قولـي سامحتـك وردي لوجهـي بسمـاتـه

أن أدري قلبـك الطيـب كسرتـه بصدمـة النكـران
غلطـت وغلطتـي هـذي .. تعيّـر كـل غلطاتـي
تشوفي الشيب يا يمّه .. تـرى ماجـا وإنا فرحـان
ورب اللـي رفـع ذاتـك ونـزّل لـلـردى ذاتــي

فقدت الراحة مـن بعـدك فقـدت الطيبة والحنـان
بدونـك راحتـي غاية .. يبدينك هـذي راحاتـي
أنا .. أنا بعدك ولا حاجه أنـا بعـدك تـرى عميـان
أشــوف ... ولا أشــوف الـلــي يـوريـنـي مساراتي
أنا وسِيد الشقـا والهـمّ مـن بعـدك غدينـا أخوان

يجيـب همـوم هالعالـم ... ويرميـهـا بمتاهـاتـي
صدقتي يوم قلتي لـي .. تديـن اليـوم بـس تنـدان
رميتـك فـي بداياتـي ... ورمونـي فـي نهاياتـي
أنا .. مـن شالـك بيـده ورمـاك بأسفـل البركـان
نخيتينـي وطلبتينـي ... ولا حصلّـتـي نخـواتـي

مثل ما هنتي بعيونـي ... عليهـم قلبـي يمّـه هـان
رموني وضعفهـم فزعـه وانـا الدمعـات فزعاتـي
يايمّـه .. لا تظنينـي أنـا مـن فعلـهـم زعــلان
سـواتٍ فيـك سويتـه .. وسـووا فيـنـي سـواتـي
يايمّـه .. يالله ضميـنـي ودفيـنـي بهالأحـضـان
أنـا أدري فيـك مشتاقـه وهمّـك بـس ملاقـاتـي
يايمّه .. يايمّه حييييل ضميني أبي أرتاح أنـا تعبـان
تعبـت أهـرب مـن ذنوبـي أبيـك آخـر مسافاتـي
أباسمع منك أي كلمـة .. لصوتـك مسمعـي ولهـان

أباسمع يمّه .. يمّـه بصوتـك أبذكـر فيهـا نشواتـي
أشوفك ساكته يمّـه .. غفيتـي والا أنـا غلطـان؟؟
غفيتـي يابعـد عمـري .. تعبتـي مـن مواسـاتـي
يايمّه ... يايمّه ... طالبك قومي إذا لي بعيونك شـان
أشـوف المـوت بعيونـك عساهـا تخيـب هقواتـي
تعالـوا يابشـر شوفـوا أنـا محتـار أنـا تلـفـان
أنا أمي مدري وش فيها ؟؟ أنـا مـدري أنـا احاتـي
أمي أنا ماتت أمي أنا ماتت ؟؟ .. لا .. لا ترى غلطان
أنـا امـي ماتخلينـي عـلـى حـزنـي وونـاتـي
أنـا أمـي قلبهـا طيـب ولا يمكـن تبّكـي إنسـان

أنـا أمـي مـا تبّكينـي ... ولا تتمـنـى آهـاتـي
يايمّه صح ما متّي ؟؟؟ وصـح المـوت تـو ماحـان
إذا متّي أنا بعدك أبقضـي ويييييـن ساعاتـي
يايمّه يايمّه قومي يايمّه .. وقولـي المـوت لا ماكـان
أنـا جيتـك وانـا نـاوي أببـدي فييييـك جنـاتـي
تركتينـي ومتّـي ليـه ؟؟؟ تركتينـي وانـا غرقـان
ولا مسمـوح ياولـيـدي .. ولا تلعـنـك لعنـاتـي
أنا الجاني وانا المجني وانـا المخطـي وانـا الندمـان
وانـا بيـدي رميتـك إييييـه ... وبعثرتـي ملفاتـي
وجيت من الهنا مفلس وقلبـي مـن الضنـى خسـران

وتركتينـي علـى نـاري أعــدد فـيـك زلاتــي
ولاني مرضـيٍ ربـي ... ولانـي تابـع الشيطـان
أنـا بعـدك تـرى مابـيـن نهايـاتـي وبدايـاتـي
يايمّـه منتهـي جيتـك .. وكلـي مرتجـي غفـران
وشفـت الـنـاس تلعـنـي .. وتحـذرنـي مــن الآتــي