ترستك ماي خوة لا نداوة الكــــيت

ترستك ماي خوة لا نداوة الكــــيت
طلع جودك شبج واسراري تتطشر
خاويتك عشب وي كل نسيم اتميل
جربتك شجر بالريح تتكســــــــــــــر
ومن صارت صدك ردتك ولو حاجـــوز
وغصب عذرك قبلتة اتخاف تتعـــــور
بزلاتك اضم ردتك ضمير اتصـــــــــير
وجذبت الصدك حتى انت ما تخسر
وعاونتك علي من شفت عذرك خاب
وقنعت النفس كلتلها يتغـــــــــــــير
لا كصرك طول لا فاض بيك الطيب
لا شمسك علت والراكد اتبــــــخر
لا مدك وصل والعين شافت نـــــور
لا كصرك طول لا لغزك اتفســــــــر
كدامك طحت ما شفت وجهك كام
وهاك ابسط مثال وشوف واتصور
ولك خشبة بطبر فركست جف حطاب
من شافت حطب كدامها اتطـــــبر
وجبت تعبي درب صغتة بعدالة ماي
يا درب الاصوغة وبعد ما تعثــــــــر
ياليل اليظل لو فجر يتعــــــــــــناه
يا كلب اليدك لو دمة يتخـــــــــثر
يا ذل النهر يقبل سواجي ايصير
وكبل كل السواجي الماي يتنطر
كلت تطرح ثمر غرني الخضار البيك
ويقت روحي اعلى فيك تالي تتحسر
[/color][/size]