مالومك....غزل متواضع

إذا تــمــشـي بــهــداوه تــتــيـه الــدروب
لان دربــك خــطيـّــة بــخــطوتــك ضــاع
كــعب رِجــلك قــلم....من شــالك شلون؟
جــبل حســنك طــغه وما شــالــته الگاع
كــل شــعــره اعله راســك ســوط جــلاد

مــسـيّــر شــعــرك وللــريــح يــنــصــاع

ومــا نوگــف بــظهــرك مـن يجي شبـاط

لان ســوط الشــعر يــجــلــدنــه كل ساع
[center]ولا تــطــلــع بــعد من بــيــتــك ارجــوك
وإذا تــطلع لــي دوس اعله الهوه وطير
خــايــف لا تــهــيــم بــحــبـّــك الــــگـاع
ومثــل يـوسـف جــمالك قصّـــته تــصير
مـن الـگاع عــشگــت يــوسف..شصار؟
ضــمّـــته بـــحــلگها بــحــجـّــة الـبــيــر
ولا تـخــطي بــدلــع مـو حــينه مـسكيـن
من قــصــف المــدافــع گــلبه مــشلوع
وتــجي أنــت وتعــيث بــگـلبه گــد مــا
عاثــت بــي غــصب سـرفات الــدروع!
من تمشي وتــنــفــض ايــديك مغــرور
تشگ حــلگ الأزقــة وحــلگ الفروع
يل مــعلم النـّــحــل درب الـعــسل ويــن
ويل بــشفــتك رقــم شفــراته مـطــبوع
الخــليّــة شــلون إذا مــو أمـّـك تـصير!
تــقبلها العسل مــن شجــرة مگــطوع؟
ومــا صــدّگ كحــل مــزروعة العــيون
ظــلام گــبــور اهــلنا هــنــاك مــزروع
وتــتسابــق أيّــام اســبــوعــنـه عــليك
تــحبـّك صــفــت حتــى ايام الاسـبــوع
اعله جسمك لمن صب الدوش..مو ماي!
لــمــح جــسمك تــأذه وصبــلك دمــوع
وزيــجــك منــفــتـح وزراره مــكســور
عـجب صــدرك بلايه الضـّــمّة مرفوع!
يــدگ گــلبــي إلك لــو طــال الـغــيــاب
مــثــل دگ الســجــين الكاتــله الجــوع
مـكان ضلــوعي ســور الصين محــتاج
لان دگ الـگــلب طــشّــرلــي الضــلوع
سمّــعـتك غــزل كــل قــصدي اجــاريك
غــشـيم آنــي وحچيت بهــيچ موضــوع
شموخ البــيك طــاغي يــهد حــضارات
ما ادري الغــزل مـن تــسمعه تــمــوع!
وما لومك تــحس صــوت الهــمس نار
لان بــيك التــرافــة تــضاهي الشمــوع