ياذيب الدسيم الوكت صح اندار

ياذيب الدسيم الوكت صح اندار

وابغفله انسلب كل ذاك مجهودك

بخيوطك جنت تحكم هذيج الناس

اسنين اشكد جزن مانكصن زودك

يمك يبو اشنيشل يرجف التفاك

يل نضرات عينك جنهه بارودك

هنياله السلك جي انته تخدم بيه

لان شفت السلك دينك اومعبودك

وسفه اتصير هيجي اوضمد يحكم بيك

يل تكسر الخاطر وحشة ازنودك

اخو مزعل امس بحجايتك ينكاد

اشلون اتصير هسه احجايته اتكودك

لو يدري ابمحنتك ماسكت هيهات

اوجاطر التراب اوطلع فرهودك

اوحكك من تون عالصار ياشلتاغ

اوتخاف امن القميص الوادم اتشوفه

اشلون انطاك كلبك تنزع الرتبات

ولو ادري انته يمهن صابتك خوفه

ياحاكم شعوب المنطقه ابعصاك

يل دكت اجدامك جنهه معزوفه

ثلث اخيوط عندك بيهه شلت الكون

كل متهم مجرم وابد متعوفه

عريفك بيك وصه اوعلماك اشكال

اوكمت تحجي بلسانك طيب معروفه

كال السلك بعدي ايلزمه بس شلتاغ

لان مرديه ابد مانكر مشحوفه

مايحتاج تحلف وانته صادك دوم

لان ملت ابحلفك جدتك نوفه
__________________