لا تلامسني بطرف صدرك أذوب

لا تكلي الشمس بيدي واحلامي بــيد و لا تهيج عالفقير جروحه
ولا تكلي بعسرك ويسرك اعيش وانت قصرك للسمه يمد روحه
عوفني بحالي ترى انه بلية ايــــــد وانت شباجك زحل شيلوحه

شلون ما تدري الحلم جرح الفقير ما تشوفه احلامه كد جروحه
روحي مذبوحة ذبح وتريد اطير امنــــــــيلي حظ يطير المذبوحة
لا تأملني بحجي الما جاسه ضيم جفي دك بوب السمه المفتوحة
و حظي دك اثبات بجناح الفقير لا يصــــــــعده و لاينزل سطوحه

انت بعدك ما نمت فوق الحصير و غمست لكَمة ملح بملوحة
لا تلامسني بطرف صدرك أذوب انه من دم و لحم مو لوحة

و لا تمرجحني برمش عيــنك أخـــــــــاف انه ما شايف رمش مرجوحة
و لا تكلي اتمرجح شمــــــــــــــــــــالك تخاف جنت اريدك للسمه توديني
بس اخافن ينكطع رمشك و اطيح و تــــــــــــــــالي تكلي طحت من عيني
روح دورلك محب يرهم عليك انه قـــــــــــــــــــــــاموس العشق طاويني
ما عشكَتك واحنا بالطيش استحيت اشلون احـــــــــــــبك من تجي تلاثيني
خلني راضي بفقري وانت ارضى بغــناك وعوف عيسى بدينه وانه بديني
ولو خلاني الوقت بعت اللحــــــــــــــــــــاف يعني هسة بكيفي أمد رجليني
لكن ادري بدربي عن دربك بعيــــــــــــــــــــد ومن زغر هذا الفرق بجاني
انت دفاك الثلج عن لا تمـــــــــــــــــــــــــــــــــوت وانه ميت والثلج دفاني

وانت كاروك الذهب ما كفــــــــــة اديك وانه كاروك الكصب كفاني
وحتى لا احلم وامد جفي لسماك وانه ارضع كمطوا ذرعـــــــــاني
وعن محبتك والله ما شدني الحديد هذا رمشـــــك يا ترف شـــداني
والله احبك من زغر بس ما حجيت جنت اريدك تنـــــسعد وي ثاني
ومن اجيت بلهفتك تسأل علي كلبي كلك تمرجح بشــــــــــــــرياني
تالي من غصبن علي كتلك نسيت روح دورلك محب وانســــــاني
توسلت بلساني يحجيهة و تروح و من رحت عني كطعت لســاني
انه كتلك لا تجي وجي ما اجيـــــــــت راحت ببابك تدك بيبـــــاني

للامانة للشاعر نائل المظفر