ومضات انقلها هديه الكم..

ومضات انقلها هديه الكم..
انا مشتاكلك كد ما الي جروح اطيبهن واحس ايفزن عناد تدري شلون حالي لمن تروح مثل حال العراق بلاية بغداد
يمي انت الوكت مالك غرض بي خليهه على الله هية تصفى انا من الكاك اجيب وياي فانوس اعرف من الزمك كلشي يطفى
احبك بس اشوفك كلش بعيد لان مايوصلك جف امنياتي حلو كلش وحتى من الفض اسمك سنة يضل طعم الحروف بلهاتي
سولفلي بعد محتاجك هواي محتاجك بكد ما فاركتني رحت جم يوم عني وتعرف اشصار عشر سنين يمكن كبرتني
فرق عيونك على الوادم هواي لذلك لمن تمر صعبه يمشون بحيث تبين انت عيونك كبار واليمك شلع ماعدهم عيون
احبك مو حجاية بشعر تنكال احبك صوت حسره ابين الانفاس لان حبك احساس بروحي موجود وبعد مالاكي كلمه توصف الاحساس
من اتمرنة خصرك لا اجيبه عن عيوني ذني كون تخفي انه كل العليه ردت انصحك لان من اخذه ماقبل انطي
خليتك حلم وعيوني ترسم بيك وغير عيوني محد يكدر يرسمك صاحوني شكثر بسمي وجنت ناسي وكلتلهم نعم من صاحو بسمك
ترف تنكط عسل سبحانة المسويك مادري الباري لطينتك شمخلي وبلطولك علم تستاهل انت علية اخذلك تحية واستعد كلييي
من ماي الورد رب الحسن سواك ومن جابتك امك بيك ماحست ولروعه جمالك عندي بس تفسير امك بالنساوه بيوسف اتنست

» ]ومضات عراقيه روعه
» ومضات شعريه بحب الحسين والحوراء زينب (ع)