ابوذيات عراقية حلوة

ابوذيات عراقية راقية
------------------------
نار فركاكـــــــــــم بالكلب ماجن
وعليكم زين عنـدي عقـــل ماجن
رسايلكـــــــــم عجب لليوم ماجن
السبب شنو كطعتوهن عليه
*****
صـــبرت عليك صبر ايوب مرمر
والك منزل بنص الكلــــــب مرمر
حنظل لـــــــــو سكيته بعسل مرمر
العسل شيفيد للذاته رديه
*****
عيوني مــــن البواجي عليك صفن
يالجمالك عــــــــــذب الخلك صفن
تمر واحنه نكـــــــف ياخلك صفين
صف ينحني وصف ياخذ تحية
*****
نفس واحتاج شمـــــــــــك يا هوانه
وذلة العمـــــــــــــر دونك يا هوانه
اتيه روحي يمـــــــــــــــك ياهو انا
خيالك مره دلاني عليه
*****
وبدوا مـــــــن حسبوا الزينه بدوني
وانا بصحبة الصاحــــــــــب بدوني
روح وشـــــــــــــوف دنياتك بدوني
بفرك ضيمها وترجع عليه
*****
انا كل يوم اتعنه وصـــــــــــــل بيك
عنادك وين يبنادم وصـــــــــــل بيك
حبيبي وماخذ بجيبي وصـــــــل بيك
وباجر بيك ينطوني هويه