أحبــــ وانت تعرف زين

أحبـــــــــــ وأنت تعرف زين ــــــــــــــــــــك

ما يحتاج أعرفك انت تعرف زين
تعرف كلشي بيه وأعرف شبيك

وما يحتاج أكلك أنه أحبك ليش
تدريني ويه روحي أنه أغار عليك

صرت أنت السفينه أنه سفان
وغيري ع الجرف ياهو اليمر بيك

غيرك ما أريدن ولا احبن غير
وغيري ع الحزن ياهو اليواسيك

أحبك خاف أكلك وتكلي جذاب
وأقصر خاف أكلك ما أوفيك

شعلت روحي شمعه وبظلمه تالي الليل
وأطفي شموعي كلهه وبس أضويك

خليتك دمع وبساعةالضيج
وأبجي دموعي كلهه وما أبجيك

أعطش من أشوفك وأبتسم حيل
وأظل عطشان وأنه أرويك

ما أرضى بزعل وما أزعل وياك
و أزعل الدنيا كلهه وبس أراضيك

الشارع مو أمان الناس كلهه حلوك
وأدز روحي ويه كلبي وعيني تحميك

من طبعي شرس وتخاف مني الناس
بس منك أخافن من ألاكيك

بس منك أخافن من ألاكيــــــــــــــــك

» أ كيف تعرف اســـم أمك من اسمــــك ؟؟
» تعرف علي مرضك من أظافرك
» كيف تعرف برج الشخص من اول لقاء
» ماذا تعرف عن الهيل او الحبهان
» هي لا تعرف من أنا ... ولكنني أعرف جيدا من هي