ابوذيات منوعة

موضوع: ابوذيات منوعة السبت ديسمبر 04, 2010 2:22 am

ذبت وبشوك شخصك مايعاني
ويعاني القلب منك مايعاني
لون تعطش سكيتك مايعاني
والك روحي لقدمهه هدية

شخص البادلك بالطيب رده
مو تجفي وتروح بغير رده
شافاني وركض للباب رده
جزات الطيب رد بابه عليه

وداري
ياما وياك اجد واتعب وداري
بعذابي زين انا اعلم وداري
تبني ديار عدواني وداري
تهدمها وتشمت عداي بيه

اخذ كلبي اذا ذابت دلالك
من نار العشك يسلم دلالك
احب اسمك لحن همسك..دلالك
و احبك حتى من تقسى عليه

مثل ديني ثبت حبك ورع باي
وصعبه لوردت تفرغ وره اعباي
رجفت وخوفي من يمك ورعباي
واموتن لو تفكر اتخون بيه

افراكك لاتظن بس مر فريجاي
حنظل ياللقب اسمك فريجاي
اذا رجوه رجيت انه فريجاي
تعود انته بسلامه وهاي هيه

همي من كـــثر يذبل وراها
ونار الكلب مــا يخمد وراها
كل شده يـــهل وادم وراها
فرج ، والفرج من رب البريه

دمع عيني ابد مايبس ونشاف
شكثر كلبي بغيابك علي ون شاف
الجرح ضميتة عن الناس ونشاف
الجرح بين بعد شيضمة اليه
.......................
ابيع احزان تالي الليل منراد
وسؤالي الي طرحتة اليوم منراد
ليش الطيب وية الناس منراد
لان مايمتلك ذرة اذية
......................
تناديني واكللك هسة اجاني
كبل للحزن راغب هسة جاني
جنت محتاجة مامر هسة اجاني
من طاح بعسر مد ايدة الية
......................

الهجر يكتل يصاحب وانت داري
عليك يخاف كلبي وانت داري
انت اهلي وعمامي وانت داري
انت امي وابوي واخ اليه

ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه

هتك روحي جفاهم وج اهلهه
عله الناكر تعبه والجهلهه
تهم باطل حبيبي وجهلهه
وهيه من التهم كله بريه

رمح جارح وكتنه خله بينه
ثبتنه وعيب بانت خله بينه
طبع احنه من ابونا خله بينه
نبيع ارواحنه ونحمي الخويه

زماني اشكَد صلف كَلـّي وما اجراك

تعذّبني!تحصّل كم وما اجراك

يكَلبي لكَطع عروكَك ومجراك

اذا ابّالك تمل من الاذيه

يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه

عسى بعيد كصير العمر ماطال
يامن وجهك بعد عالعين ماطال
ردي حظي وشخصك ابد ماطال
لون محظوظ كلك بين اديه

من نبينة
اخذ درسك ..تعلم .. من نبينة
وشارت سادة صارت منة بينة
تهنة بوصفة احنة .. من نبينة
لان شمس وكمر طبكن سوية

جروحي الماتدنك باركتلـك
ونهر خمرة عيوني باركتلك
ابخبر طعنة دليلي باركتلك
كبل لا شامت يهنيك بيه

» ابوذيات عراقية حلوة
» سعد محمد الحسن(ابوذيات)
» مجموعة ابوذيات جميلة
» ابوذيات عراقيه رووووووعه
» دارميات منوعة